ابوذيات اتمنه تعجبكم
مرحبا
اريد الدنيه تصفه وياي بس يوم
واشوفك يا حبيب الروح بس يوم
بجت امي عليه وصحت بس يوم
الذنب ذنبك ليش تلوم بيه
اشوفك يمته كًلي يا ساع اني
وبعدها ماضن الكون ياساعاني
انا بكل اغنيه للياسعاني
لانه طيفك حمد ما مر عليه
اريد آجي على قرطاسي واصفكم
يامن وجنتك ورده بوصفكم
كًلي شحال البحيكم وصفكم
هم عايشين بيهم ناس طيبه
احاول الفت اعجابك واثيرك
واشوف الغضب بعيونك واثيرك
لدكًـ بكورك واسيا واثيرك
واذا فانوس ما جابك ثريه
حبها ما ممنوع حته بالاسلام
لكتب اسمها بكتب المسيح والاسلام
حبنه درج ما ينتهي الاسلام
كلما نصعد درج يزيد حبها اليه
اذا حبك نبع صافي ملازم
يالنقوش اسمك بكًلبي ملازم
لعيونك لشد رتبه ملازم
واخلي الجيش ياخذلك تحيه
البارح فر كًلبي من صدري والك طار
ومشه ببلدان دورلك والاقطار
الك نكهى حلوة بسوالفنه والك طار
يمته ترجع وحضنك بثنين اديه
حبك من دخل كًلبي وزاره
انهجم بيتي وطبكـً سكًفه وزاره
واذا يرضون اسلم اهلك وزاره
واذا تقبل وزاره داخليه
بغيابك ما اميز شمس مِن في
ومن حبك ليش تره اني منفي
اخذ كًلبي وفتحه وشوف مَن في
اذا غيرك لكيت اعتب عليه
يا كًلبي سفينه نوح صرت انت للعذال زَورج
كلمه احبك ليش ما تطلع من كبت زورﭼ
ليش هالرفض من اريدن اشوفج وزورﭼ
هيج تكرهيني انتي ومستعره تحجين بيه
احبه بيام طفولتي وشبابي والكهيل
الخدود ولك عنبر والشفايف ولك هيل
وذا انت مو بجاي الصبح تصيرله ولك هيل
استكان الجاي تحاربه اديه
واحله ابوذيه سمعتها بحياتي هي؟؟
بمحبتك روحي لا تضن من فعلها
وعذاب الروح دايم منفعلــها
ذبحتني وجاي تسأل من فعلها
فعلتها انت وصحت ذبحتني اديه
السبت أكتوبر 23, 2010 2:57 pm
