وداعتك عيوني مارهمت بلياك
وروحي وياك راحت من عفتني
وبعد كل العذاب الشفته وياك
وشكد انته بمحبتك عذبتني
اضل لموت احبك اني واهواك
لان انته بمحبتك جننتني
شلون كدرت تمشي وكلبك انطاك
وبيوم السافرت ما ودعتني
من كالو رحت كلت الله وياك
كلتها بكلبي واتاريك اسمعتني
لان بكلب واحد عشنا روحين
واخذته وياك يوم الفاركتني
اني الخاطرك بالعمر ضحيت
وتالي اطلعت عندك مالي خاطر
على صدري زرعت بيدك الاغام
ومن ثارن صرتلك اني ساتر
صرتلك سيف ضد كل اليعادونك
وانته بضهري حديت الخناجر
ردت انساك كلت ابتدي من اليوم
وشلت هم شيصبرني عن باجر
اذا لحظات ما اتحمل انساك
كلي شلون اصبر من تسافر
حبك بالكلب دكيته بسمار
وهلبسمار ما ابدله بجواهر
ولو كتلي اللجهنم امشي وياك
اكلك ائمر وتلكاني حاضر
ما انسى فضلك انا لموت
ولو مو حبي الك ما صرت انا شاعر
احل كل اللغاز بليه تفكير
وبكلمت احبك اني حاير
حروف اربعه مالها تفسير
لاهي بكتب ولا بدفاتر
لان كلمه احبك بين الاظلوع
والكلب المايحب تلكاه نادر
كل هذا التعب ما غزر وياك
ولا جيت وكتلي راح اسافر
تره اقتربت نهايه قصتي وياك
واذا مليوم اعوفك يعني باجر
لا تفكر كلامي وياك تهديد
ومن اكلك اعوفك يعني كادر
اذا فكرت اكرهك حبك ايزيد
ومن انساك اكوم اشتاكلك اكثر
والله اكدر اجيب من السما نجوم
واكذب لو كلت انساك اكدر
يوم الي رحت راحت روحي وياك
وبقت مثل الحمامه عليك تفتر
كدامك مشت ما تمشي وياك
تضوي لك طريقك خاف تعثر
اني عجيبه قصتي وياك
انته التعيل بيه وانته تزعل
فت منك عذاب اشكال وانواع
وكل هذا العذاب بحبك ايهون
ولان ما ضل دمع بغيابك ايطيح
اخاف ابجي بعد وطيح العيون
--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_
عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله
لأي استفسار راسلوني عبر البريد الكتروني
falconimmigrant@yahoo.com
الجمعة ديسمبر 23, 2011 5:42 am
