مابقى فيني كلام .. ولا عتاب .. ولا قصيد:(

مابقى بي غير دمعة عالقة ترفض تطيح ..

كاتم آهات وعبره.. لا أقول ولا أعيد
فاقد صدر ٍ حنون ارتمي وسطه وأصيح ..

عايش عالم رتابه .. وكل ما حولي بليد
لا عواصف .. لا سحاب .. ولا مطر..أو صوت ريح ..

أقضي الساعات أبني عالمي الثاني البعيد
عالمي .. مافيه ظالم .. لا كسير .. ولا جريح ..

وأحلم .. إن بكره بجيه .. وأنولد به من جديد
وأسكنه دايم ربيع ورد انسامه تفيح ..


راحل .. وبجمع غموضي وشعري وقلبٍ وحيد
وجهتي عالم خيالي وش لي في واقع شحيح !!

وش لي في ‘‘ دنيا الذيابه ‘‘ ياتصاد ويا تصيد
حكمها ‘‘قانون غابه‘‘ مايصح فيهالصحيح "
~..~