علمني الطريقة البيها اعوفك
--------------------------------------------------------------------------------
كلي شلون اعوفنك واكدر انساك
علمني الطريقه البيها اعوفك
اذا انت صرت الماي البلعيون
كمت حتى من اغمض هم اشوفك
جبل والريح شامخ ماهوينة
وبعد شخصك يغالي ماهوينة
الجفن والعين تسأل ماهو وينة
هواك شكد صعب أثر علينة
الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه