السلام عليكم ......
شباب احب احجيلكم اليوم على فد واحد جيرانه هذا جيرانه كذاب محترف بس اكو شغله احيانا كلنه نكذب بمواضيع تجبرنا على الكذب ويكون هذا الكذب معقول يعني الي يسمعه يصدكه بس هذا جيرانه يكذب كذب خرافي مستحيل يتصدك والمصيبه لازم من يحجي محد يضحك او يكول عليه كذاب وراح احجيلكم كذبه ......
جيرانه عنده دراجه بخاريه ((ماطور)) فديحجي على بطولات درجاته جان يكول هذيج المره دا امشي بالدراجه مالتي جان تتقرب مني طياره مال امريكان نزلت عليه حيل بحيث شفت سنون الجندي ديضحك عليه جان اكوله عليش تضحك مشعول الصفحه كال جان المترجم يشاوره وسمعت المترجم يكوله تره هذا يفشر عليكم اشو هذا الامريكي سحب طلقه وسمعت صوت الاقسام ((( طبعا هذا الحجي اني ميت من الضحك ))) يكول اني سمعت صوت الاقسام ((( صوت الاقسام شلون يبين ويه صوت الطياره بله سنون الجندي صدكناها))) يكول وجان ادوس للدراجه يكول وهي الدراجه انطلقت يكول التراب الي صار وره الدراجه عمى للجندي يكول وضليت اناور الطياره بدراجتي وجان افوت بدربونه صغيره متكدر الطياره تفوت ورايه يكول وضلت تفتر الطياره شويه وبعدين راحت .....
هااااااا هسه شلونكم ويه هذا الكذب اكو اروع من هيجي شي
--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_
عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله
لأي استفسار راسلوني عبر البريد الكتروني
falconimmigrant@yahoo.com
الجمعة أغسطس 27, 2010 1:05 am
