قصه سحليه.......الحكوا تماسيح

هلو حبايب شلون الصحه نشله وكحه
كما تعلمون اني واعوذ من كلمه اني شويه اطكطك بالاختراق واخترقت حاسبه اميره البحار وضليت اكلب وابحوش ولكيت مذكرات اله وضليت افرك بديه كلت اي وكته هاي
وقريت بيه شويه فلكيت قصه اله كلت خلي انشره
يله

نترككم مع قصة الفتاة............!

كنت كاعدة اتفرج عالتلفزيون... متابعة مسلسل... واجه مشهد زواج وحدة من الشخص اللي تحبه من زمااااان...

كلبت القناة على قناة Fuziah (لحد يسألني وشني قناة فوزية اسألو شركه زين)...

لكيت عرض ازياء فساتين عرايس... كلبت لكيت خطوات وضع مكياج العروس... سديت التلفزيون وجربت امكيج
اتباوع عليه باب اللي نسيت تماما انه كان بصفي(حقي اذا اني عقلي تدرون وين). ..
كال لي بابا:

خير ان شاء الله يابنتي؟! شبيج؟! خو ما شر؟!

اني ارتبكت ساعتها وفتحتله التلفزيون وكعدت ساكتة...

ايه اكيد اسكت قابل شكله؟ اكوله اريد اعرس؟؟؟

(يعني اتزوج بالعربي)... اكوله ان صديقاتي اغلبهم تزوجو؟؟؟
لو اكوله اني تمنيت اكون مكان بنت خالي في هوستها وفي الزفة امس؟ انعل ابو الدراسة وسنينها ياشيخ...

اوف والله غثا يا بخت جداتنا الوحدة هي صارت العشر سنين الا هي مخطوبة وعلى 12عرست وان وصلت 18 ما اعرست كالو عانس!!! عمي كبل البنات اللي عايشين صح مو احنا اللي نعجز ونوصل سن اليأس مااعرسنا... أخ بابا الله يفتح عليك وتخليني اعرس... وتفكني من الدراسة...

وبينما انا غارقة في قاع هذي الهواجيس ويرن التلفون ويقطع حبل افكاري... شاف الرقم بابا وكال رقم غريب... رد بلهجة رسمية:

-وعليكم السلام..... الله يسلمك..... الحمدلله بخير..... ايه انا ابوفلانة ... لا انته ما غلطان اني هو... ماعليك الله يسلمك... من وياي ياخوي ماعرفتك... والنعم.... تفضل شنو السالفة اللي تريدني بيها؟.... لا اني مو مشغول... لهالدرجة الموضوع مهم؟!... تفضل احجي

والتفت باب عليه واطاني نظرة غريبة

انا ساعتها كرصني كلبي مو من ردود بابا بس من نظراته الغريبة

رد باب على المتصل: شتريد بيها ميخالف اوك؟

... لا بس مابيها أي ميزات عن الباقي...

رد بابا على المتصل: طيب وبعدين... اي...طيب شنو اسمك الكامل؟.... شنو تشتغل بالضبط؟..... طيب من كالك عليه واطاك رقمنا؟..... لا الموضوع يا ابني مو بهالبساطة.... العملية مو بيع وشرى وبس... الواحد لازم يسأل هواي ويحرص قبل يقدم على أي خطوة... لا موضوع انك تجي لبيتنا خليها بعدين... بيم ما اسأل عن كل صغيرة وجبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله

انا جنت اتابع حركات بابا وانا طايره من الفرحة...

اخيرا انخطبت وبتزوج مثلي مثلي غيري...

يوووووه أخيرا بلبس فستان ابيض منفووووووش

اخيرا بطلع اجهز واتفرغ للزواج... اسوي زواج جبير مررررررة وخلي زفة ريميكس مديحه فرحان عازمتها هي وخواتها ماعزموني الاسبوع اللي فات على الدي جي اللي سووه... ومليحه صديقة امي عازمتها بعد مالي خلكها ادكلي طبل بالمحله لو حطيت اورج... واشتري اغراض واشيل واحط واخطط... واصدع راسي بس ولو لذيذ هالصداع...

وبعد ما سد الخط بابا التفت عليه وهو مبتسم

ابتسامة تعجب وهو ساكت... كلت:
- هاه بابا يمته يجي يشوفني؟
- منو!!
- هذا اللي خطبني هسه
- شنو ؟!
- خطيبي اللي هسه
- عابت انتي ووجهك صار خطيبك راسا ماعندج وقت شمسرع سويتيه خطيبج

- اي بابا ترى احذرك هالمرة مابيها مجال لازم العريس مثل طردت ولد ام جبارالعام هسه تره في نفسي تره هالمرة اسوي اضراب عن الدراسة... ولا ..الاكل مااكدر اضرب عنه...

والرسول حث على تزويج من ترضون دينه وخلقه... وهذا كال كلبي انه خوش ولد تره مااعرفه بس اتوقع انه هيج ..وتره العرس اهم من الدراسة علمود الجنس البشري ماينقرض.... وبعدين من كال لك اني ما مكملة دراستي والله اكمل

حسيت ان عيون بابا تطلع من شدة علامات التعجب

اللي في وجهه بعدين انفجر من الضحك

- هي انتي وين رحتي اوكفي اوكفي لاتنجلطين!!!

- شنو انجلط؟! هاي الحقيقة والحقيقة ماتزعل وانته الله يخليك لنا بعمرك علمتنا على الصراحة وحب الحقيقة

-هاي شبيج أي عريس واي وهم؟؟!!... انتي مصخنة؟؟ ... هذا مندوب شركة يريد يجي يشوفني المكنسة الكهربائية العجيبة على كولته اللي تغسل وتنفخ وتطبخ خخخخخخخ....
كومي نامي يابنيتي ولا تكثرين كعدة جدام التلفزيون... هسه عرفت ليش سديتي قبل شويه..
الله ينعل ام العجلة اللي تعرفونها...

تقبلوا تحياتي

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

بصراحة هاي احلى علسة واقوى
ضحكتني كثيرااااااااااااااااااااااااااا
انهزمنه خواتي
الهجمات قوة
الله يستر
شيطان

حوراء كتب:: بصراحة هاي احلى علسة واقوى
ضحكتني كثيرااااااااااااااااااااااااااا
انهزمنه خواتي
الهجمات قوة
الله يستر

اي ديربالكم مني اني شيطان بهاي السوالف هع
احذركم

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

لك ايهاب شنو هالملل حتى مكملتهة
شنو هاي اتعلمو شلون اتعلسون

اميرة البحار كتب:: لك ايهاب شنو هالملل حتى مكملتهة
شنو هاي اتعلمو شلون اتعلسون

ههههههههههههه
ياملل غير انتي كاتبته
لاعمي خلي العلس الج سيد

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

member عدد المساهمات : 1862 تاريخ الميلاد : 27/10/1989

ههههههههههههه علسه تموت ضحك هههههههههههه Very Happy

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

قصه سحليه.......الحكوا تماسيح 1340915061167