ياباب الحزن بياوكت ينسد حزن بابك

ياباب الحزن جبت العمر مفتوح
كلي بياوكت ينسد قفل بابك

بسك ماتمل خزنت كلبي جروح
شجاك وسجلتني بورقه احبابك

سيفك مايمل يركض عله المذبوح
اخافنه نساك يذكره بصوابك

نتعذر عشرتك والعذر مسموح
ماندري الجرح نام اعله عطابك

ذرفنه بحضرتك دمع الندم مفضوح
لويدري الجدم ماداس بعتابك

بصوابك عشت عمري شريج النوح
ومسامري الونه بليله مصابك

جبت عمرك وفي ماخنت مره الروح
وانه اترجاك هسه تخون بصحابك

شسولف ياجرح شحجيلك بياجور
وانه البيه الفكر ماغير اطباعه

صرت كارت حطب بشفايف التنور
وتدري انته بحلوك النار طماعه

وتدري بلاغصن مايرهم الطير
وانه طير الحزن المفارك اوجاعه

عايش عالحزن وضيم بيه يفور
ساعه يوج دليلي وينخمد ساعه

موطبعي اشتكي بس ياحزن معذور
ماعندي كلب يفرضلك الطاعه

ولاعندي دمع يكفي حزن عاشور
عاشورك عمر ياحزن طركاعه

member عدد المساهمات : 1932 تاريخ الميلاد : 30/11/1992

عاشت ايدك احمد
شعر روعه

شكرا جزيلا 8)

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

ياباب الحزن بياوكت ينسد حزن بابك 1340915061167

شكرا جزيلا 8)

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

» ياباب الحزن جبت العمر مفتوح
» ع بابك حبيبي
» الحزن
» ناي الحزن....
» يلوكنه الحزن احنه العراقين