صح اني حلگي حلو وخدودي ورديه - غزل بنية لأبو كية هع
حبايب اخليكم وية الغزل
اهنا نزلت بي دك رزالة بس بطريقة غزل هع
ما اريد اشوفك بعد لا تتصل بيه
انساني انسى الهوى ولا تسأل اعليه
ورطه التقينه سوى فد يوم بالكيه
كبالي كاعد جنت وتباوع عليه
صح اني حلكي حلو وخدودي ورديه
وعيوني كلش خضر جني انكليزيه
البس كصير ودلع والكحله هنديه
واضحك بلايه سبب بس بحسن نيه
ومرات اباوع صفح والعب برجليه
شتفسره هذا غزل لو هاي عاديه ؟؟
ولو ادري بيك التقي جان لبست بوشيه
لا تغمز بحاجبك ويانه عبريه
هون عليك نتظر فدوه اصبر شويه
انطيك بوسة حنج من توكف الكيه
واهنا هم
كال اني اسمي علي من الوزيريه
بس انتي شسمج يبه ؟؟كتله اسمي خيريه
نسكن بصوب الكرخ يم الغزاليه
سولفنه بس بلطف والكعده وديه
وصلني للجامعه وحط ايده بيديه
يذكرني ظل بالوعد اوفيلي يابنيه
مو كتيلي بوسه الك من توكف الكيه ؟؟
كتله انتظر لا تلح والبيك هم بيه
هوايه وكت خليها بالجيه
وردينه نص الدرب بس عطلت الكيه
واهنا النهاية جانت مأسآآوية على الولد
رحت وشلت جنطتي واطلقت رجليه
ولمن وصلت الجسر خطفت عليه كيه
ومن عدها جيت عليه ويصيح خيريه
فرغت الكيه ترى ونزلوا العبريه
ليش امتحانج صعب مابيج حنيه
بس آني آخذ صفر وانتي الج ميه
ياحلوه وين الوعد مو كلتي بالجيه ؟؟!!
انطيني بوسة حنج ما ريد بس هيه
كتله الشمس سلمت ماظل وكت ليه
واعدتك وبطلت روح اشتكي عليه
ليش انت مثل العلج لازك ولك بيه ؟؟
جريت اذاني وتبت وادفع الف ديه
لو اظل امشي مشي ما اصعد بعد بكيه
الخميس أكتوبر 21, 2010 7:20 pm
شكرا حبيبي
