ابو ذيات تستحق التقييم

احبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون عليه

مريض وصعد مرضي على

اشفاي

وطب لندن بعد ما يكدر على

اشفاي
حبيبي من تحط شفتك على

اشفاي

اطيب وكل مرض مايبقه بيه

احبك يلشعرك مفلفل فلافل
ول انضرب عنك الف بوري فلاافل
ريتني اصيرن بحلكة لفة فلافل
واحس بطبكة سنونك عليه

لاجل عينك اصير رماد وانذر
ولشوفتك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه

سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه

رشيق الطول كال بشعر صفنه
وجمالك بلشعر يراد صفنه
بطولك لو تجي وتصير صفنه
صفر ينطونه وينطوك ميه

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه

قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية

باب الدار بجفوفي لحني
وحنين النوك ما يوصل لحني
وطيت لكن اسهامك لحني
بوسط قلبي وطبيبي احتار بية

هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه

يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

وحق من مرضك ياسمر وشافاك
اتخبل كلمن لمح حسنك وشافاك
لون اشتم عطر خدك وشافاك
مناعه من الامراض اتصير بيه

البخل ماوصل يمي ... مالحاني
وتضل وحدة كلمتي ... مألح أني
أبن العراق اني ... مالح اني
معزب دوم يالتنشد عليه

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

[/center]

روعه حب

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عاشت الايادي

good

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله

لأي استفسار راسلوني عبر البريد الكتروني
falconimmigrant@yahoo.com

حلوووة

» قلوب تستحق ان يداس عليها بالاقدام
» دورة التقييم البيئي للمشروعات الهندسية تعقد في دبي وكوالالمبور والدار البيضاء وتونس
» حروف لا تستحق ~ الا .. الصمت .. !
» قلوب منسيه او تستحق النسيان
» مواقف تستحق الوقوف والتأمل