هويته لكن وسفه ماهواني
واحس آني بدونه ماهو آني
يعالم غير حزني ماهواني
فگـر حضي شسوي مو بأديه
ايدك لليعوز اوصيك مدهه
واحبال الوصل للناس مدهه
تدري من تعوز البحر مدهه
وجزرها اسناد وكفنلك سويه
أعرگ بالخجل منك وكت ما
وصماً آنه من تحجي وكتما
اتيه راسي من جدمي وكتما
تصير گبالي وتسلم عليه
حبيبي بحبه فرني وبه لواني
وطرت بالجو عبالك بهلواني
تره الناس اتفاخر بأهله وآني
بحبيبي اتفاخرت وبحبه ليه
أظل مفتون بعيونك ورمشاك
وأظل أتنگل أبجدمي ورمشاك
مرض أبراسي أحسنها ورم شك
أشك أبموتي اذا تبعد عليه
عللي شر دعوته لا يمن لي
خلافك كل جروحي لايمنلي
تريد تأذي گلبي لا يمن لي
هواي ودنيتي وكلشي اليه