ياضحكـة طفل تتمايل أبممشاك
مو حقي من أدوخن بيك وأتخردل!!
ما شايف بعدني ازغيـر ومعذور
وإذا تنطيني بوسـة يمكن أتخبل!!
بس هية المصيبة لو كََعدت وياك
يضيع ألساني مني وكلشي ما أندل..
دخاف الله يخايب سودنيت الناس
كلمن عاف شغله وبيك يتغــزل..
من تمشي الفراش يحوم فوَك الراس
لأن حتى الورد بأقـدامـك ايقبـل..
اثر جدمك ضوة من تمشي فوَك الكَاع
ولأن شفاف جسمك ما ترك أي ظل!!
بالسبعة الصبح لا تضحك أترجاك
وكَـدام البشر غطيهـن اشفافـك!!
طـلاب المدارس حـارو بمعناك
كلمن ناسي درسه..وحافظ أوصافك!!
وإذا اتطب للقسم اكَعد بأخير الصف
أذا كَـدام تكَعـد يعنـي نتخبـل..
مو حتى المدرس سودنيتة وياك
راد يكَول جاوب...كَلك أمعـدل!!
السبت نوفمبر 06, 2010 6:06 pm
