--------------------------------------------------------------------------------
أغنية : أحرك بروحي حرك
أهدي اليكم كلمات هذه الأغنية القديمة للمطرب ( كريم محمد ) عسى أن تروق لكم أحبتي وهي بعنوان
أحرك بروحي حرك
************
أحرك بروحي حرك ... وبناري أتجوه
وأغصب أجروحي غصب ... وإعله الصبر كوه
أتناغه وي الصبح ... وأدري الصبح هم ليل
واسنين عمري كظن ... ونه وحسافه ويل
ولك عاد مامش وفه ... مامش مروه
ولك ليش مامش وفه ... مامش مروه
***
جم ليل مر وجزه ... وعينك غفت عنه
ونكول باجر تجي ... ومانكطع الضنه
والأمل بينه كبر ... هم زين عدنه أمل
وأحنه بتوالي العمر ... ماخذنه خوف وخجل
وبسكوت يجري الدمع ... والونه جل غنوه
***
ياحيف مر الوكت ... وأحنه تطشرنه
وماندري شنهو الضحك ... والفرح مامرنه
ياعيني ملهه الصبر ... والدهر بدانه
وأحنه بكايه جرح ... لاتشوف ممشانه
يهواي كافي جفه ... والدنيه ماتسوه
***
ولك عاد مامش وفه ... مامش مروه
ولك ليش مامش وفه ... مامش مروه
*****