قصه السحليه العجوز(غصون) مع ابليس

طبعا مثل ماتعرفون غصون انخطبت وازوجت وصارت عجوز وتعالو نسولف
عن الكوارث الي اسويها
ونسولفلكم هاي السالفه
كانت غصون كاعده وحده

وفجأة طلع اله ابليس ………
العجوز خافت وسمت بالرحمن

…كالها ابليس :أنتي شبيك من اتشوفي سميتي بالرحمن

انا اريد اسأل انتي يا غصون هل تعتبرين نفسك داهيه

غصون: نعم أنا داهيه ……….. والنساء عموما كيدهن عظيم ههههه

أبليس: أنا أتحداك……..ونشوف منو كيده أعظم …..المرأة ولا أبليس

غصون:خلاص أني اسوي مشكله وأنت راح تحلها واذا ما كدرت أني راح أحلها

وراح أفوز بالرهان.

أبليس : Ok

راحت غصون لواحد من هالبطاله اللي ما عندهم شغل ويا كثرهم

وكالت أني بشغلك عندي فترة معينه بس…….
اذا تريد فلوس لا تتدخل ولا
تتكلم وافق الشاب لأنه لعبه نفسه من البطاله ويريد فلوس

راحت غصون وياهه الشاب لمحل قماش وكالت اله أتنتظرني عند باب المحل

…دخلت المحل واخذت قماش غالي وراحت تعامل تاجر القماش

غصون: ةتعامله وتكله رخص يا بن الحلال …

التاجر :اذا أنتي ما عندك فلوس أخذي شيء أرخص

غصون : ما أكدر ….لازم لو راح يصير شي ء ما صار

التاجر :ليش …..لها لدرجه …..شنو السالفه

غصون:شفت الشاب اللي واكف عند باب المحل ..هذا ابني

..يحب له وحده متزوجه وهي تحبه ولما تتطلق من زوجها …ابني يتزوجها

وهو كال لي أن عارضتي الزواج أطردك من البيت وأمرني أني أشتري قماش
غالي علمود يطيها لحبيبته لو راح يطردني من البيت مع أن البيت بالأساس

بيتي ولكني غلطت وكتبته باسمه غصون تبجي

التاجر: خلاص يمعوده تهون والله كسرتي خاطري ….خلاص أنا أطيج القماش

ببلاش….وعسى الله يترحملي

غصون طلعت مكيفه وكالت للشاب روح للبيت

بعدها راحت غصون لبيت زوجة تاجر القماش ودكت الباب وطلعت الزوجة

غصون:آه يا بنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

غصون: مشكوووووورة ما تقصرين إن شاء الله أردها لك (تعمدت تنسى القماش ) وطلعت.

الزوجه:حرام نست قطعة القماش …أكيد بترجع بعد شوي وتأخذها

اروح اخليها بالدولاب..

تاجر القماش رد لبيته وتغذى ذاك الغدا الزين ونام شويه .

راح العصر وفتح الدولاب يغير ملابسه علمود يروح للمحل……مفاجأة شاف قطعة القماش

وعرف أن المرأة اللي يريده ولد غصون هي زوجته يعني تخونه

كام عليها وبسطه وطردها بالشارع بالهدوم اللي عليها.

غصون كانت تنتظر هاللحظه في أخر الشارع فراحت لها تركض

غصون: شبيج يا بنيتي ليش تبجين

الزوجه : زوجي طردني …وما اطاني فرصه احجي .

غصون: خلاص أنا اوديج بيتي وأني اروح أحل المشكلة

راحت غصون لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت غصون للشرطه تبجي وتكول :كنت كاعدة في بيتي وفجأة دخل

رجل وياه مرأة وكعدوا ابيتي حاولت أطلعهم ما قدرت

(أحتلوا بيتي )

ذهبت الشرطة وقبضت على الشاب والزوجه ….وذبوهم بالسجن.

غصون : ها ها شنو رايك يا أبليس دورك هسه حل المشكله

أبليس : لا لا ما أكدر أحلها السالفة تشربكت كلش

غصون: أنا راح أحلها وكأن شيء لم يكن ..
وراح أربح الرهان

راحت غصون تزور الزوجه بالسجن وكالت لها :أنتي ساعدتني

وأنا هسه راح أساعدك …..يلا ألبسي عباتي وغطي نفسك وأطلعي من السجن كأنك أنا وأنا أكعد

مكانك.

الزوجة:مشكووورة ….لكن أنتي

غصون: مالك شغل مثل ما طلعتك اطلع نفسي.

تمت عملية الهروب بنجاح….

الوالي أمر الحراس يحضرون المسجونين علمود يحكم عليهم

حضرت غصون والشاب وقال لهم الوالي :ليش قابضين عليكم وشنو مسوين

ردت العجوز(غصون):احنا ما سوينا شيء كنا كاعدين ببيتنا أنا وابني وما نحس الا الشرطه

طابه علينا وماخذينا السجن .

عصب الوالي وهزأ الشرطه وما اطاهم فرصه يتكلمون ويكول: غلطانين

وتريدون تتكلمون بعد..

طلعت غصون من الوالي مكيفه واطت الشاب فلوس وأنهت خدمته عندها.

راحت غصون لتاجر القماش وكالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وكالت خذ قماشتك لأن ابني سافر هو و زوجته الجديدة.

رجع التاجر زوجته وتأسف منها و راضاها بعد.

غصون : وش رايك يا أبليس أنا فككت السالفه سهله

أبليس : أنتي ربحتي ….
يمه ……… يمه أن كيدهن عظيم
طفر منها وهو خايف

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

member عدد المساهمات : 1862 تاريخ الميلاد : 27/10/1989

هههههههههههههههههههههه خووووووووووووووش حكااايه لان اني استمتعت في قرايته ع فكره هسه يمي الساعه خمسه الفجر ههههههههههههههههههههههههههههههههههه

تحياااتي لك

القصه حلوه عاشت ايدج ياغصون السحليه

ههههههههههههه نبضه هو انتي مابيج كيلو انوب تسهرين مو زين عليج ههخ
زمرده منورتنا انتظري دورج

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

ههههههههههههه
حححححححلوة

هههههههههههههههههه هاي قصه حلوه هههههههههههههه

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

قصه السحليه العجوز(غصون) مع ابليس 1340915061167

احم أحم هههههه همهمهمهم هاهاهاهاها ... قصه رائعه وحلوه عاشت الايادي .... باقو كمستكا مبوتي قبنتي ك شو هاذا ...!..!..!.؟؟؟؟ لا يروح فكرك بعيد الفلبيني عجبته القصه ..هه

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

يبووووووووووووووووووووووو

شنو هل مصيبه غصون وينج

تيتمت الزلم من وراج