موعد حب........

موضوع: موعد حب........ الأربعاء مايو 04, 2011 7:13 pm

موعد حب

هو / اشلونچ يا أعز
الناس عندي ..
هو الگلب چم أحبيبه عنده ..

هي / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده

هو / نمتي .. هنيالچ غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!

هي / لا حبيبي ..
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..

هو / لا .. لا تبچين ..
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترك ما تحمل النيران ..
يذبل كل ورگها وتستحي من الطين ..

هي / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟

هو / لا تبچين ..
المن بعد المن تسوه دمعه أتطيح ..
هو اشباقي بينا
ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..

هي / اشلون اتگلي لاتبچين ..

هو / لا تبچين ..!!

هي / تدري انت اليحب
ما يگدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراگك ..
تدري كلش زين ..

هو / بس ارجوچ لاتبچين ..
خوفي آنه عليچ من الدمع والله ..
مرات الدمع
ياخذ حلاة العين ..
ويل كلچ ترافه ارجوچ لا تبچين

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

موضوع: رد: موعد حب........ الخميس مايو 05, 2011 12:41 am

نزلت دمعتي من ودعته وراح سافر حبيبيوتركلي جراح بعد ماشوف الغالي شون يروح عن باليشيصير بحالي ساعدني ياالله تسلم علوش عالبداع الدتسويه

موضوع: رد: موعد حب........ الخميس مايو 05, 2011 1:49 am

شكرا عزيزتي عل مرور الجميل

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

موضوع: رد: موعد حب........ الخميس مايو 05, 2011 2:19 am

سيدي : القاء متميز يغشاه ندى الابداع فجدا شكر لسمو ابداعك .. اقلامك ارتقة لتعطينا سطور بهاذي الجمالية . جدا شكر

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

موضوع: رد: موعد حب........ السبت مايو 07, 2011 7:26 pm

عاشت ايدك علاوي قصيدة حلوة

موضوع: رد: موعد حب........ الإثنين مايو 09, 2011 9:05 pm

شكرا اموره الورده انتي الاحلي

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

» شوفو الشاب من يصير عنده موعد
» أفلا يكون للقلوب موعد مع ذكر الله
» الدورة التدريبية صعوبات التعلم وعلاجها القاهرة – ماليزيا موعد الانعقاد: من 19 الى 23 مارس 2017 م
» الدورة التدريبية استراتيجيات تقييم العطاءات ومهارات التعاقد القاهرة – قبرص موعد الانعقاد : من 9 الى 13 ابريل 2017 م
» البرنامج التدريبي إدارة الشبكات و امن المعلومات القاهرة – جمهورية مصر العربية موعد الانعقاد: في الفترة من 24 يوليو الى 2 اغسطس 2016م