بغداد سمعت عنج مريضة
لازم ازورج زيارةالحبيب واجب وحق وفريضة
حبنا الج ماينوصف , هذي قصة طويلة وعريضة
منوالطبيب اليداويج كولولي لاتخلوها مريضة
للبيت الابيض ولمجلس الامن أروح وأكتب عريضة
أريد تروح عنج الغمة والايام السودة تصير بيضة
كل البلدان زرنا وشفنا بس مثلج مالكينا جنة أو روضة
بردج حلو لو حرج حلو ؟؟؟ لا أحنا بحبج صرنا مرضى
ماكو مثلج وطن وبغيرج أبد مانرضى
كل يوم نندعيلج بلكي عنا الله يرضى
نتمنى الج الستر والامان ورعاية الله وحفظه
سافرت ,كالولي الشوك يروح ومايبقى الا بعضه
هذا بعض الشوك مرمرنا , عن الفراك نظرنا بعد مانكدر نغظه
كلت أزورج بالبداية بس بعد ماأكدر على البعد لحظة
كافي غربة , حتى اسمج علينا صار صعب لفظه
نرجع اليوم قبل باجر, منو بالغربة كعد حظة
مثل العروسة أجيبلج ويايه الذهب والفضة
تبقين بجمالج وبحياتج الحلوة محتفظة
هذا المرض والظرف الصعب لازم يزول لأن كلنا نرفضة
ربي شافيلي بغداد والعراق ياربي احفظة
الإثنين مايو 30, 2011 12:40 am
