اهداء الي من ملكت قلبي

اكثر من هموم البيه الك مشتاكَـ
واكثر من جروحي وهم بعد اكثر
باقي ابكَـلبي حبك لا تظن ناسيك
وباقي عالعهد لا يمكن اتغير
اتانيك ابحلم اتمرني بس لحظات
انام وما اشوفك واكَـعد اتحسر
اتحسر عليك ابنومي وبصحواي
يعني بكل دقيقه عليك اتمرمر
وذبلن ذني عيني بكثر ما ابجيك
ومن كَـد ما اناغي عليك من اسهر
ومن كَـد ما انوح نوايحة مهظوم
صرت مامش عدل وعظامي اتكسر
وصدكَـني ابوداعك اظلمت دنياي
وشسولفلك بعد عالعيشه ما اكدر
حياتي ابدون حبك شلي عايش بي
وآني ابدون كَـربك بعد ما اصبر
تصور حالي شوف شلون الك عالنار
اتكَـلب اذا ابذكراك آنه اذكر
تأكد انت جنت الروح الي ودنياي
كل عمري وحياتي وكلشي اتصور
بعد مابيه اعيش ابعالم الاحزان
ابشرك راح اجيك ابشـــــــوكَـ متفجر
واذا انت رحلت من دنيتي توفيت
تظن عالموت هم بغيابك اتعذر؟
اموت لخاطرك صدكَـني موتي يهون
وآني لخاطرك عالموت اصير اخطر
البس خامي راح وبيدي راح احفر
بكَـبري ولاتظن عالموت اتعثر
مو آنه ال اذا محبوبه ميت صار
يبقى بدنيته وعايش ولا تأثر
ولا آنه ال اذا من رحت وتوفيت
بشارع ذكرياتك وحدي بس افتر
بعد ما ارضه اعيش ابدنيتي حيران
ولا ابقى بغيابك ليلي اتحير
لون تدري شكثر ضاكَـت علي دنياي
وحيد وحتى روحي من الجسد طفر
صرت بس ذكرى عاشكَـ عايش ابلا روح
على ساعة منيته هوايه يتشكر
ومهجور الكَـلب صاح ابنبض مقهور
اريد ابشـــوكَـ عالمحبوب اتمطر
بذاك الدنيه اريدن بس حبيبي وياي
يا رب العرش وامنيتي بس يحظر
لأحظنه بذني اديه محاظن الملهوف
واصيحن من فرحتي الله واكبــــــــــر

</blockquote>

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

ألف شكر ألك ... اناملك رائعه ولها ذوق خاص ... مجمل التوفيق و وافر العطاء .

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

يسلمو علووووووووووووش كلش حلوه عاشت ايدك بس منو الملكت قلبك لو هم بعدين؟؟؟؟؟؟؟

شكرا حبي معتصم
شكرا ورده بسومه بعدين

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

ههههههههههههههههههههههههه

اني حجيب سجل وسجل البعدينااااااات مالتك لان هووواي صاارو

» اهداء إلى ...؟؟؟ كل من له حب !!!
» قانون قلبي
» اهداء الك انته
» اهداء لكل غائب
» ◦°˚◦ღ♥ஓ ◦°˚◦ لا تحزن يا قلبي °˚◦ღ♥ஓ ◦°˚◦‏