اجمل دارميات بين الحبيبين وربي

هي
مربيه وامشي وياك مربيه وينك

صحره والك احتاج اروي بحنينك

mm_mm62463
هوي

مريت ضن الكاج شو مالكيتج

مثل السراب وراح شو مادريتج

هي

لامو سراب وراح ماي انه صافي

اشربني لو عطشان شرب العوافي

هو

مرات طبع الماي مايروي عطشان

يم النهر مشتول بس هوي ذبلان

هي

ذبلان ليش تكول موهذا غصنك

اخضر حلو شفاف عاجبني حسنك

هو

اخضر ولو ذبلان كوه عليه
ماازعل العصفور لويمر بيه

هي

احسبني لو عصفور بس كون ازورك

ارتاح لحضه وياك افهم شعورك

هووو

ارتاحي بس ابعيد مو على اغصاني

اخافن تره تجويج شجرة احزاني

هي

جاوين احط اتريد وارتاح كلي

متعوبة الجنحين مابيه اعلي

هوو

شتعب الجنحين غير المسافه

عمرج خلص تجوال لاياحسافه

هي

تجوالي ادوره عليك ياغصن عمري

ماردت غير اغصان بيه انته تدري

هووو

ادريج ماتردين بس ما وفيتي

من شح عليه الماي طرتي وعليتي

هي

سامحني انته بهاي وافهم ضروفي

خفت انه ماكو ماي واذاني خوفي

هوو

ماسامح انه بهاي وانسى شعوري

لابد يجيني الماي طيبه جذوري

هي

ادري الجذر بي طيب بس الزمن جار

خلانه نهوي الكاع ونعوف الاشجار

هووو

مادامج تعرفين المن عتابج

المفروض ماتنسين شجرة احبابج

هي

ماناسيه ارجوك انطيني فرصه

غصاة بياهواي مو فرد غصه

هووو

بس كافي لا تحجين وش الج عندي

كل الطيور وياي بس اني ضدي

هي

موضدك انه وياك بس جنت ذبلان

العصفور يفرح حيل لو خذره الاغصان

هووو

من واجب العصفور ماينسه الاشجار

ينصب مئاتم نوح ويفزع الانهار

هي

فزعة ماكو ماي كلهم صحاري

بد موعي ردت ارويك وبعيني اداري

هووو

شل فايده تفزعين فزعتي شمات

مادام احب الاطيور مااموت هيهات

bounce

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

اجمل دارميات بين الحبيبين وربي 1340915061167

ياربي تنال اعجابكم

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

[b]عاش الذوق والاحساس والله روعه عاشت ايدك

غصون التميميه كتب:: [b]عاش الذوق والاحساس والله روعه عاشت ايدك

تدللين غصونه شكرا عل مرور الجميل Razz

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

» اليوم جبتلكم دارميات
» اغرب الصور الطريفه وربي
» دارميات العيد
» دارميات بين ام وبنتها
» دارميات عراقيه