وداعا ياعضاء مرافيء عراقية

صباح الخير والورد والياسمين شونكم اخواني واخواتي الاعضاء عساكم بخير
اني حبيت اترك اخر ورقة الية هنا قبل رحيلي عن المنتدى لكن مع الاسف اني بحياتي
عندي مفهوم لكلمة الحقيقة وهو انه الحقيقة مرة دائما ولازم نتقبلهة اني رايح وماراجعلكم
وهذا الي ماراح يكتبة قلمي بالمنتدى اني بصراحة حبيتكم كولكم حيدر ايهاب حمودي بسمسم سنوات
وبنضة واميرة وبنت كولكم ورود واني اتشرفت بمعرفتكم يوم من الايام واتشرفت باليوم الي دخلت بي للمنتدى
شباب والبنات ايضا اعذروني واريد من كل واحد منكم يبريلي الذمة ويذكر سيف بالخير واني ماتصور جرحت احد منكم
لكن هي هاي الحياة وهو هذا قدرهة يضم للانسان اشياء مايتوقعها حبي حيدر اني اشكرك جزيل الشكر انه انت يوم من الايام
دخلتي بين اعضاء روووعة ورود واشكرك هواية على ثقتك بية والاشراف الي انطتنيا وانت اخ عزيز وطيب بس حيدر اعذريني مو بأيدي شي
اسوي وانت تعرف بية اني انسان ماعرف شنو معنى اليأس بحياتي لكن مهما يكون اني كتبلكم هذا الموضوع حتى يكون اخر شي اكتبة على هذا المنتدى الرووعة بس مثل ماكلتلكم الحياة من تعكس وية بشر تراوي الويل بعيونة واخذوهة مني شكد ماواحد يقاوم الحياة تقاومة اكثر واكثر
صدكوني راح اروح وكلبي مليان كومة حزن ع هذا الموضوع الي كتبتة وراح اضل نادم طول عمري لان يوم من الايام ودعتكم بس بنفس الوقت
كتبتة تقديرا واجلالا واحتراما لكل الاعضاء بكاء

واني ماسنحتلي الفرصة انه اتعرف بعلاوي اي احد يشوفة كولة سيف مرة دزلك رسالة ع الخاص من انت سألتة سؤال وهو جاوبك وكولولة خلي يشوف الرد مالتي بسوم عيني دير بالج على نفسج اني اروح ولتنسوني بكاء

اني اسف
النت صار مصدر قهر الي يوم بعد يوم واني ماكدر اتحمل هالشي اكثر حيدر حبي راح نبقى اني وياك على اتصال بالموبايل وراح اشتاقلكم وربي
مع الف سلامة ولو ايدي متنطيني اختم هالموضوع بس غصبن علية بي باي ياورود بكاء

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

رغم اني ماعرفك بس اهم شي انت من عائله هذا المنتدى

واكيد انت هم راح تبقى بقلوبنا وربي مراح ننساك ياغالي

بجيتني بصراااااااااااااااااااااااااااااااااااااااااااااااااااااااااااحة

ياربي الله يوفقك بحياتك ومتشوف شر ويحققلك كولشي تتمناه

اخوية الغالي على راسي انت ياراقي ياوردددددددددددد

تقبل تحياتي واعتزازي الك ياكل الاصل

سيف معقوله هذا االدتحجي لو دتكذب زين ليش

والله احنه منكدر نفارقك لان كولش عزيز

هسه منو الاتعارك وياه عالمحبس ومنو

الاطلب منه اغاني

لاسيف ولله المنتدى محلو حيصير يوميه

وواحد رايح اوووووووووف ضجت

وداعا ياعضاء مرافيء عراقية 718196

والله بصراحه زعلتنه سيف ليش هذا الموضوع ما نستاهل تعوفنه
يعني انته صرت من عدنه وعزيز علينه ليش تتركنا
اذا كان بالنسبه انه النت تعبك فات اخذ راحه وابتعد عن النت فتره وبعدين ارجع مو تعوفنه
بس اني اكولك بالاخير انته سوي الي يريحك لان اكيد نتمنه الك الراحه
بس اتمنه تتراجع عن قرارك لخاطرنه يعني وحتلو تروح فتره بس ترجع

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

سيف اخذ استراحه وارجع
لان على كوله المصريين دخول الحمام مو مثل خروجه
انت دخلت للمنتدى وصرت صديق فمستحيل تروح هيج بدون سبب
اذا تريد تروح للابد مثل ما كلت فوضح الاسباب اول شي
تحياتي الك واتمنى الرد
وداعا ياعضاء مرافيء عراقية 34844

واني ويه رأي ايهاب ومحمد

ميصير تروح بلا منعرف الاسباب

وممكن تغيب فتره وترجع

هلو شباب بنات شلونكم اني افختر هسة باصدقاء واخوان مثلكم وانتم عرفتكم طيبين
شكرا فراشة شكرا بسوم شكرا ايهاب شكرا حمودي بس النت كولة نفاق بنفاق اني خربت
وية ناس اعزهم واحبهم بسبب ناس ثانين يكرهوني نافقوا علية يعني اني جنت ادخل بشات ولحد البارحة
اني هناك لكيت الدنيا مكلوبة علية سيف انت هيجي وانت هيجي وعيب تحجي هيجي اي ولكم شكو من استفسرت 2 من اليوزرية الي هناك رايحين لشكو ولد ولشكو بنية ناقلين علية حجي مو زين ماعدا المراقبين
ماصدكو رحت سألتهم يابة ليش خو ماكو شي تعرفون شنو جوابهم يكلولي سيف انت جبتهة لروحك ليش
تخلي الناس تحبك تالي يريدوني ادخل وياهم لمواقع ونكعد باليل نفلود على شكو شات ونحجي كلام بذيء
هذا الي صار وراهة ماعرف منين اخذو اميلي رادو يهكرو بس نقذت نفسي كامو يدزن مسجات على الاميل
وية شكو واحد اعرفة اخر شي كولتلهم شتريدون كافي المطلوب مني شنو كالو تصير ويانة كولتلهم قصدكم اصير ساقط مثلكم ضلو يحجون ويحجون لمن وصلت الحالة يدخلي صديقي المقرب يكولي شلون تحجي وية
حبيبتي وتخربني وياهة مو اني ثقيت بيك يعني بربكم اكو هيجي نذالة يعني معقولة هيجي النذالة وصلت بالناس كولتلهم اني يابة راح اغلق النت وبعد مادخل والله وياكم وهسة اتمنى تكونون فهمتوني

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

اي شنووو هاي

مااعرف شنو اكولك بس هم اكو هيج ناس

اي والي خايف منة يدخلون لهنا ادور ويخربوكم علية
مثل ماخربو اصدقائي

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

ي غيب فتره وارجع

ماشي من عيني

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

يابه عبالي شو شنو يسوفي لا تهتم

طبعا شباب سيف جان خايف علينه يعني متعارك ويه جماعه وكلوله راح نخرب عليك اصدقائك ونخليهم يكرهونك ويحقدونك عليك

مثل ماسوينه باصدقائك الي جان وياهم سيف ... فمن كلي الموضوع طمنته وماكو اي شي وكتله لا تخاف

هو اول وتالي جان خايف علينه

فأحنه نكوله لاا تخاف وانت تبقه صديق وعزيز علينه وكلشي ميصير

وداعا ياعضاء مرافيء عراقية 863210

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله

لأي استفسار راسلوني عبر البريد الكتروني
falconimmigrant@yahoo.com

حيدر اني لو مانتم هذولة ميهزون شعرة من شعرات راسي
مو اني الي اخاف من هذولة الجبناء الي مايسوون واحد يحجي بيهم
بس اني كول الي ردتة انه احافظ عليكم وماخسركم وانتم هسة ايدي
التوجعني يعني اذا لزموني من ايدي التوجعني يأذوني واني راح اروح
حتى ماخسركم لان مثل ماغيرو علية اصدقائي هناك مو صعبة عليهم
يغيروكم ومعرف باي طريقة وشنو يحجون علية كدام اصدقائي واني خسرت
البارحة بما فيه الكفاية ومو ناقص اخسر واحد منكم

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

لا تهتم حبي ولا تخاف

قابل احنه منعرفك

يؤبرني شو حنون

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله

لأي استفسار راسلوني عبر البريد الكتروني
falconimmigrant@yahoo.com

حبي اني راح احاول افتح نت ويكون دخولي مقتصر ع المنتدى وبس
وبعض الاحيان افتح الاميل واخلي اوف لاين واني بالرغم هاي ضوجتي
وهاي حركة كلبي لكن اني افتخر بيكم واحد واحد وكولكم على راسي وانتم
اروع ماشفت بحياتي

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

حبيبي خلي نغلق االموضوع

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله

لأي استفسار راسلوني عبر البريد الكتروني
falconimmigrant@yahoo.com

» محمد السالم - برافو بي باي - جديد وحصريا .. مراافئ عراقية . اغاني عراقية
» لاتعاتبهم فقط..قل وداعا وابتسم
» نكت عراقية
» نكت عراقية هع 2010
» اغنية عراقية ا عرف سمه