انته شكد حلو ماتشبه الناس
الله انطاك الصفات الماكو عند البشر
كلما اقتبربلك ابدي من نفسي اغار
ومن كلشي حولك احس انته بخطر
انته الكمر نفسه يغار من عندك
مو انته نفسك تغار من الكمر
شبه مااكدر اشبهك ويصعب التشبيه
لا انته الصنوبر ولا انته الشجر
سمجة وتريدك من تمر صدفه
عافت اهلهه وطفرتلك من البحر
تذبل الوردة من ماتشم بيهه العطر
وتظل تنطر مجيئك ويموتهه السهر
غيوم تشتاكلك اكثر من شوكي الك
وتظل تبجي عليك وينزل من عدهه المطر
حبيبي من تشمك الوردة تموت
من عطرك داخت لان كلك عطر
توازيني اجيلك واعبر حدودي وياك
ويجوز ابوس شفافك وصيرن خطر
تجاوزت المعاني والوصف كله
ومن اوصفك صعب اوصفك في سطر
بيت من الشعر مايكفي اوصفك بيه
خليني من الحجي مو راح انتحر
الشمس تدري بيه شكد احبك
لان مرات ابقه جواهه انتظر
تجويني واكول اتحمل هواي
ومن حبك حبيبي راسي انفطر
لا ليلي انامه واني مرتاح
والصبح مخلصه بس لوعات وقهر
منين ماجيبك تردلي بكومه احجار
ماحنيت عليه وحن عليه الحجر
كافي بالوصف نلظم نضل خيوط
قابل انته حايط وانه صرت الفطر
لا كلمة احبك حصلت منك
ولا خليتلي امل حتى البقه انتظر
حبيبي ماصرت اعرف اوصفك زين
لان انته القلم والورقة والشعر
فدوة الك كل الربع شلع يرحون
وبس انته حبيبي ماالك بالكون أثر
--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_
عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله
لأي استفسار راسلوني عبر البريد الكتروني
falconimmigrant@yahoo.com