حبيبتي تسكن بين هذه السطور

)سميتك حبيبي وشلت إسمك على صدري وضميتك بروحي وإسمك بالنبض يجري آه ياما ضميت الحجي وهسه لازم بي أبوح وهسه لازم كل شيء تعرف قبل لاعنك أروح منك وبطلت أصاحب من شفت هاي المتاعب الناس سمتها تجارب وأنا أسميها جروح سميتك حبيبي

ان جنت تضن بسكوتك أقبل تراك غلطان

ترى كل شي ان زاد عن حده يبطل

لاتخلي الفرح يبتعد والكلب يحزن

مو حتى الطيور من حزني اختنكن

والورد ذبل وعطر بعد ماينطن

مليت منك اهواي واي عذر يعد ما أقبل





ودي اعرف ردك اذا كلت اهواك

وياريت انك تريحني

واعرف شنو مكاني بدنياك

او تقول ابعد وخليني


والمشكله حيرتني ياحبي معاك

وتزداد حيرتي كل ماغمضت عيني


لا جيتك من هنا .. تروح منـــاك !!

ولاابعدت عنك اشوفك تجيني


ومرات تتظايق يوم اسولف معاك

ومرات اروح وانت اللي تناديني !!



خايف اروح عنك وكلبك ينادني
احبك احبك احبك


وانته صرت عنوان يهديني

وصرت الي عمر بيه اسجل اسنيني