قصه حياتي من اتكونت حتى يومنا هذا هـــــــع

السلام عليكم و رحمة الله و بركاته

شلونكم شباب

اخباركم اموركم خو ما الدنيا حاره

زينين

الحمد الله الكل زينه

اليوم جايبلكم قصه حياتي من اتكونت

في البداية يوم كنت نطفه ظنيت إني من كريات الدم البيضاء
ماعرفت إني من بني البشر إلا لما كالت( الدكتورهـ ) لأمي مبرووكـ عيني
إنتي حامل

عاد أمي من الفرحة حطت يدها على بطنها في المكان اللي أنا موجود فيهـ عرفت
إني المقصود وفهمت إني مشروع بني آدمي . .
بيني وبينكم ضجت..كلت شلي لي بوجع الراس أطلع لعالم ثاني وأصير إنسان
وفي حساب وعقاب وأدرس .

همس لي عقلي كال إحمد ربك بتطلع وبيصير عندك إيميل وماسنجر العاشر صحيح أنه يزهك

بس ماعليه وتشترك في منتديات ,,
دجله نت
وكلت هم أصير مشرف في المنتدى وابند السحالي .,
فرحت أناوكلت أ طلع هسه كالي (عقلي) بعد وكت باقي تسع شهور (تحطيم)ـ .,

ولما صار لي خمس شهور جنت حاس إني ذكر بس كلت يمكن أكون بنت - مثل سحالينه
كعدت اكطع من الشعيرات الدمويه وأقول ولد& فتاه.. صبي صبيه.. بزر بزرهـ

وأنا أفكر سمعت صوت أبوي يكلم أمي حاولت أركز شنو يكولها قربت إذني طلع أبوي
يتغزل في أمي
(تم تشفيره .....) جنت بتصل عليهم وأقول إستحوا أنا أسمعكم بس لم تسنح لي
الفرصهـ
بصراحهـ إستحيت من كلام أمي وأبوي كلت أنام أحسن لي عيب أتصنت عليهم بعدين
يعاقبني ربي
ويصير ولدي يتصنت علي

جلست أمص اصبع رجلي حتى نمت وبعد فترهـ سمعت صوت قوووي يتجه ناحيتي كمت بطولي

إلا ويرتطم راسي ببطن أمي آآآآخ بس قوة الصوت نستني الوجع الله لايشوفكم كأنه

شلااال منحدر علياا أحاول أشرد

منا ولا منا هنا ولا هناك ماكو مجال ربي ستر ومر من يمي

شربت مي بكميه كبيره على غير العادهـ بس والله تونست كعدت ألعب بالمي
برجليه جنت بسبح بس ماعندي شامبوـ ..

لما جاء الشهر السابع راحت أمي وياها أبوي للدكتوره تطمئن أمي على صحتها
طبعا نامت أمي على السرير وابوي واكف يمه ( بيحسسها بالأمان ) اني زعلت على الوالداا
قابل امي حامل بوحش !!

الدكتورهـ حطت جهاز على بطن أمي وبدأت تحرك يمين يسار فوق تحت وههم يشوفوني
على الشاشه
عاد أناكمت أتدلع واحرك رجلي وأفتح عيوني وأغمضها بنعومهـ وأمص أصبعي .,

وأمي وأبويا يتبادلون نظرات الحب والرومانسيه ويضحكوا ويوم شالت الجهاز
وإنقطعت عن الرؤيه
وأنا أكول كافيـ عمركم ماشافين جنين حشاش

عاد سألت أمي الدكتورهـ متى موعد الولادة كالت باقي شهرين سمعت الخبر
ويجيني إنهيار عصبي شهرين يامفتريه كافي أنا زهكت أنكتمت الجووو حار ماكو
مكيف صحرواي لا سبلت لابنكه حتى مولده ماكو ولا مولده شارع والوطني ساعه وتسه ساعات قطع
كلت مايصبرنا غير النوم ونمت شهرين (نومة أهل الكهف)

صحيت من النوم وحسيت بملل وفراغ قاتل حاولت أرفهـ عن نفسي ورحت ألعب لعبة
الحبل بإستخدام الحبل السري
وأكعد اطفر وأغني يمدلووووله شبقه بعمري غير الهم والحسره جسمي عايش بطن امي والروح بره
هيييييييييييييييه ...
التلفزون عاطل جنت يوميه اتباوع قناه طيور الجنه وبعدين اظطريت اغني بنفسي حته بطن امي ماكو كهرباء اهئ اهئ

وفجأه من قوة ماطفرت تزحلكت وأنكلب يصير راسي تحت ورجليه فوق قامت أمي تصررخ
.,

أخذها أبوي على السريع لأقرب مستشفى كال الطبيب هذه ولااااااااده لما سمعت
الخبر وأنا أفرح ما اريد بسا نطلع
وبديت أكشخ وارتب حالي أستعد للقاء الأول مع صديقي بالحضانهـ
وأمي كل شوي تتعالى صرخاتها حطوها على السرير متوجهين لغرفة الولاااااده
وأبوي يمشي بصفها
ويكولها لاتخافي أنا وياج ترد أمي أخاف أموت وانا اولد , أبوي رد عليها
والدموع تنهمر من عينيه ياجعل يومي قبل يومك
<===<< متأثرهـ بالأفلام
الهنديه وافلام العراقيه الغير منتجه
وأنا أكول ماوصلنا لغرفة الولادهـ واني ضايج من الهوسه ا .,
طبعاً نقلوا أمي لسرير الموجود بالغرفه وجاء الدكتور وياه السسترات بس شفت وحده سستر صاكه حيل حيل اولي يابه اتخبل اتخبل راسا ذبيتله الاميل والموبايل .,
كال الدختور لأمي زفيييييييييير أمي فهمتها عكس أدتها شهييييييييييق واذا انا
الزك كل لزكه وصار رجليه عكس
وصحت يموعده انتي مطفيه زفففففففففففففففففففففففير
كلتلها يكولك زفير زفير الظاهر أمي سمعتني وزفرت زفرة وتدفعني أمي بقوه وأنا
طلع سرعتي 180 ميغابايت
وطلع كل شي بيه الا خشمي(شكّل) كلت اهو هذا اللي كنت خايف منه

إستدعى الدختور الطاقم الطبي علمود يطلعون خشمي حاولوا المرهـ الأولى والثانيه
مافاد وبعد ثالث محاوله طلعونيـ ) الثالثه ثابتهـ )
كعدت أبجي وأكول للدختور غض البصر
بصراحه من طلعوني نسو ملابسي وطلعت هههههه يعني من غير .............
وتشيلني هاي السستر التوب على يدها وتلفني بذاك الأبيض
واني غفيت بادّيه الحريريه الله بعد عمري انتي
ياسلاااااااام وأخيرا انتهت معاااناتي
وجان ايحطوني بحاضنه واني اصرخ حيل واباوع على الي حبه كلبي السستر
جان اتكول اشبيه المكموع منو كال هاي اكو سستر رادتني اصارحه بس كلبي اختار غيره (الحب من اول نظره) مابيه مجال
كامت تغار من حبيبتي

المهم كبرت وهيه كبرت وماتت مادري ازوجت مادري وين راحت اهي اهي

وهسه اني دايح واحشش بمرافئ عراقيه وادور على الحبه كلبي اكول بلكت سحليه مثله واخلاقه العاليه وروحها الشفافه وابتسامتها الساحره اموت عليج اهئ اهئ ياروحي(بس بالاخير ما اصور الكاها)

ههههههههههههههههههههههههههههههههه اشلوني

ولك شموخ ههههههههههه روح دور ع السستر احسلك ماتلكه كلشي هنانه

هههههههه ولك منين جبته

راح انقل الموضوع لقسم الجذب لان ماشاء الله ولا جذبه بيه

هههههههه

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله

لأي استفسار راسلوني عبر البريد الكتروني
falconimmigrant@yahoo.com

member عدد المساهمات : 1932 تاريخ الميلاد : 30/11/1992

هههههههههههه
هاي بيعدك مااجيت للدنيا وحبيت سستر
شنو الموضوع
ههههه
يسلموو

يسلموووووووووووو

نورتو الموضوع بردودكم الحلوه

ههههههههههههههههههه الله ينطيك طولة العمر

يسلموووو علة الهبلة العفو علة الموضوع قصه حياتي من اتكونت حتى يومنا هذا هـــــــع Icon_lol

هع هع
والله والدينك عالله ومساكين

ههههههههههههههههههههه غير قصه

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

قصه حياتي من اتكونت حتى يومنا هذا هـــــــع 1340915061167

ههههههههههههههههههههههههههههههههههههههههههههههه

محب كل هذا صار بيك ولا قصة شهرزات وشهريار

روعه شكرا

ههههههههههههههههههههه

الله يساعده التاخذك هسه عباله انت الي محطم جدار برلين

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله

لأي استفسار راسلوني عبر البريد الكتروني
falconimmigrant@yahoo.com

ههههههههههههههههههههههههههههه

حلوه هاي حيدر

» محطات في حياتي
» حياتي وشريط فيديو
» قصة حياتي الجزء الاول
» معلومات عن انجلينا جولي(حياتي)
» تقنية النانو وما لها من تاثير ع حياتي البشريه