اذا موبيك اسولف انة ماموجود
لان بس بيك اسولف كل وكت انة
تدري انتة بمكانك بية وين يصير
بس شويه اميل تطلع هنانة
موبس انة احبك انة وانة هواي
وبعد من عندي عشره نحبك ويانة
لطلع جمالك هذا كلة وياك
ارحمنة على كيفةشوي ويانة
ادري شلون رايك يعني كلنة تنموت
كول نموت كلنة منين دفانة
ادري انتة بشر بس هالخضار منين
ابو البستان شافك حرك بستانة
الورد من شاف طولك بس عليه مريت
مايقبل بعد يكعد بسندانة
الحانة وداعتك سكرت ناس هواي
بس انتة الوحيد السكر الحانة
ماحبن هلك منهم اغر عليك
نحب يوسف نعم بس نكرهه اخوانة
بس اوكف وخايب رحمة للعباس
بس توكف علينة طيب مرضانة
يلوموني من اشوفك اسكت من الخوف
هو الشاف طولك ضيع لسانة
موهو الكلب حبك وفكلك باب
من وحدة الك تنفتح بيبانة
ربك بالخلق سواك بس سواك
وانة ذولة مدري اشلون سوانة
لاتنطيني عين يجوز نلهس بيك
وبس انطيني جارك نشتم اردانة
بس كون افتهم فارس احلامك وين
يهنياله اليشوف مبارك احصانة
اذا بس انتة بية الدنيه جنة تصير
واذا موبيه انتة الدنيه خربانة
احنة بلايه نخوة نموت كلنة عليك
جاشنسوي اذا فديوم تنخانة
انة للدوم احبك مستحيل انساك
واذا انساك صدك هذا مو انة
الأحد أكتوبر 10, 2010 10:00 pm
عاشت ايدك
