هم عندك وجه !
--------------------------------------------------------------------------------
هم عندك وجه !
هم عندك وجه ودگ على الباب
لا،لاتظل ساكت، أحچي ياچذاب
وگفتك عالباب ماريدها أتطول
شعندك بعد شتريد ، وك گول
ماظل عذر عندك، لو خلصت الأسباب ،،
لاتتعلثم ..
يله أحچي، يله أتكلم
رغم أني ..
من أسمع صوتك أتألم
ياحارمني ..
من أحلى أيام العمر
ومن عز شبابي
ياحارگني ..
يامخليني رماد الجمر
يامسبب عذابي
تريد أسامحك ..
أشلون أسامح ذباح گلبي
أشلون أسامح ..
ياهدام أحلى أحلام حبي
الحب مودكان ..
تمر بيه وتشتري كل التريده
الحب يا مسكين ..
عشرة عمر،حياة حلوه سعيده
روح ..
لاتظل واگف گبالي
روح ..
وأنسى الأول والتالي
يامن باع بيا برخص وتندم
بأرخص أبيعك وگلك أتعلم ,,
هم عندك وجه ودگ على الباب
لا،لاتظل ساكت، أحچي ياچذاب
وگفتك عالباب ماريدها أتطول
شعندك بعد شتريد ، وك گول
ماظل عذر عندك، لو خلصت الأسباب ،،
Uploaded with ImageShack.us
الأربعاء أكتوبر 20, 2010 7:14 pm
يا ورده
