شيفيد العتب وتريد احاجيك

ماشه نار حبك تلهب وياي
كافي انزف جرح وتريد اداويك

تحركني بغرامك واشتعل نار
وهسه تريد ترجع ما اخليك

ياريتك تجي وتشوف الجروح
تلكاهن خطيه يسولفن بيك

شسولفلك عليهن والله محتار
ياجرح التشوفه ابناره يجويك

احبك حب عراقي يحب الهموم
اصيل وشايل الدمعه ويسليك

حبيتك طفل عايش وياي
ياعشك الطفوله شلون أأذيك

سامرتك ليالي وكلبي مذبوح
مثل نجم السعد بحضاني الوليك

يدك ناي الحزن وي صفنه الليل
حد وجه الصبح موال اغنيك

واسولفك عليه وحالي خلصان
بس عندي المهم لازم اداريك

شوف اثار حبك بين العيون
بين شيب بيهن وانت مابيك

وبين بالكلب حبك نياشين
بعد شكثر بعد وتريد اراويك

بين كلشي بين منك وياي
سلاما على الجروح البيهه اباريك

جنت شمعة بحياتك تطرد الليل
هسه الشمعة ذابت بيش اضويك

اترس حضني الك بدموع العيون
واذا راحن عيوني اشلون ارويك

من ماي الكلب شربتك وياي
وافتحلك نهر من كلبي وسكيك

هسه الكلب مات او مو كلب صار
جثه ابنص جسم حاجيني شنطيك

لميتك دمع بعيون الايام
كلي شراح اكلهن لمن ابجيك

ألملم ذكرياتك حتى ارتاح
وشوف شباقي بيهن حتى ابديك

طبع ذيب الوكت لتأمنه الجروح
زمان الضحكك لازم يبجيك

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

مع تحيات عاشق بلا حبيبه

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

يسلموووووووووو كولش حلوه

member عدد المساهمات : 1932 تاريخ الميلاد : 30/11/1992

ناااااايس
يسلموووو

طبع ذيب الوكت لتأمنه الجروح
زمان الضحكك لازم يبجيك

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

عندما تداعب طفل وترميه للسماء فانه
يضحك لانه يعرف انك ستلتقطه قبل ان
يقع---تلك هي الثقه ---فقل دائما----
لو رمتني الاقدار فلن تتركني رحمه ربي
لتكن هكذا ثقتنا بالله

لأي استفسار راسلوني عبر البريد الكتروني
falconimmigrant@yahoo.com

» شنو نفع العتب واتعاتب وياك
» بكلب مجروح اوكف خلي احاجيك
» بكلب مجروح اوكف خلي احاجيك
» يجي وكت العتب....واتعاتب وياك ..........للشاعر ضياء الميالي