اهدي هاي القصيده الي شخص بالي

أنتي الي خليتيني أحبچ وأحصد من الحب عذاب
وأنتي گصيتي لي جنحي بلاية رحمة وطيريتيني بضباب

وأنتي وحدچ عذبيتيني بغرامچ وآنه ادري بالغرام بلاية باب
هاچ أحصدي الي زرعته وشوفي زرعچ شنهو جاب

هاچ أضوگي الضگته آنة وكفي لومچ كافي ما أريد العتاب
العتب لو ينفع لجنت آنة الأعاتب العتب ما ينفع ولا يغيره المصاب

والندم والـ لو وچلمات الوسافة كلها نار
تزيد نار الأحنة بيها وما يطفيها التراب

آنة من أولها گتلچ أنتي موش
أنتي الألي وموش آنة الألچ وأحنة بسراب

وآنة ردت أگصرها وياچ قصتي
من يوم الحچيتي وگلتي أحبك ياوهاب

گلتيلي أحبك كتلچ الحب نعمة لكن أخاف أظل بعيد وحدي
گلتيلي أريدك كتلچ التردينه الچ لكن يبعد الروح مامش شي بيدي

گلتيلي والحل گتلچ الحل أنتي حبيتي وآنة شمرتيني على ذنبي
وما رضيتي وهذا تالي الحب يا بيتي وهذا تالي الحب يمن ردتي التحدي

شوفي وين أصبح هوانة وشوفي وين أصبحتي أنتي
لا تگولين القسمة جارت ولا تقنعيني بعذر ما يسوى خمس فلوس عندي

خلي أعذارچ تفيدج نسّي روحچ بيها أحسن وأنسي كل چلمات ودي
أنسي عيني البيها رسمچ وأنسي صوتي الغنى بأسمچ وأنسي مرّي وأنسي شهدي

أنسي عهدچ أنسي چن ما عاهديتي ويعينچ على النسيان من حباچ بعدي

خل يلومچ چيف حبيتيني يوم وصيري أنتي وياه ضدي
وخل يضربچ فوك وجنات البستها حتى يمسح أثر وجدي

أنسعدي بيه يالگلتي ما اضوگ السعادة ألا بربيعك
عيشي ليه يالگلتي ما عاش اليبيعك

وآنة تاليتها أنبعت ومسيت بس جروحي تدي
روحي مبرية ألف ذمة روحي يالشمة التحصدي

لچن أطلب منچ طلبة وحدة لون موكب زفافچ من يمي تعدة
أنة اترجاچ .. اترجاچ بعينچ تصدي

أطلبت من عندچ تصديلي بزفافچ موش قصدي أستجدي من عندچ نظر
آنة ردت اقرأ بعيون الورد الضاع من إيدچ عطر

آنة ردت اقرأ شنهو ردت فعلچ يگولون الحب وفة وإخلاص ونزاهة
أنتي چذابة على الخلك ذبهة الدهر

أنتي غيمة سودة مآتسوين كلشي بلآ مطر
أنتي صبخة گآع لو يسگوچ سبع بذور ماتنبت ثمر

أنتي طعنة سيف بگليبي السخي ويآحسآفة الطعنة شگد تركت أثر
وسآمحيني أخآف چلمآتي أجرحنچ وآنه آسف حيل وآسف وأعتذر

وأحسبيني مخبل ومسودن وأهذي وأنتي تدرين المسودن منعذر
أنتي تدرين صرتي شنهو بالنسبة ألي ؟؟؟؟

أنتي صرتي وردة جوري ماتسوين كلشي بلآ عطر
أنتي صرتي أوتآر عودي الأعزف بيهة لحن قصتي
وضاع من عودي وتر

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

اهدي هاي القصيده الي شخص بالي 1340915061167

كلمــات جارحه بشدة ومعبرة بقوة

سلمت ايدك علي دوم الابداع تحيااتي لك

بس خطيه الي بالك

ههههههههههههههه شكرا عل مرور حبي

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

member عدد المساهمات : 1862 تاريخ الميلاد : 27/10/1989

يسلموووووووووووووووووو تحيااتي على الكلام الجميل جدااااا والحزين

تقبل مروري المتواضع تحيااتي لك

شكرا عل مرور

--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_--_

» اغنية اليسا ع بالي بالعراقي ههههههه
» اهدي نكتة للي تحبة
» ياــــــمـــــحلـــــ القصيده البيها انا وياك ـــــــــــــى
» حشاشه شوفو هاي القصيده على وزن اغنيه حسام الرسام (مو كالو)